طلعلنا في البخت واحد يدعي أن اسمه أيمن سالم - و أنه عايزنا، باختصار، نطلع يوم الجمعة القادم نقلب الريس و نقوله، على حد اقتراح أخونا أيمن، "شكرا أنت طلعت معاش".
و الجميل كمان انه عامل لنا فيسبوك افنت. عشان كل واحد يعزم أصحابه عالبارتي بتاع الانقلاب!
طبعا الموضوع لطيف و دمه خفيف و كل اسبوع واحد بيطلعلنا بمدونة تقترح نفس الكلام. انما نادرا ما صاحب الاقتراح بيكون (أو بيدعي، على وجه التحديد) انه ضابط مخابرات، و يحطلنا رقمه القومي و عنوان بيتهم.
صاحبنا أيمن عمل موقع لطيف حاطط لنا عليه الرسالة، و صفحة فيسبوك عليها نفس الكلام عشان لو كنت خايف لسبب ما تفتح الموقع لا يكون عليه فيروس زي ما حد كان أفتى (بالرغم أن الموقع مش باين فيه مشاكل عندي)..
** قبل ما انشر التدوينة على طول كان الموقع واقع، بس صفحة الفيسبوك موجودة**
السؤال طبعا مش لو اننا هنروح نبلغ الريس انه طلع معاش (ههههههه) بس لو الأخ ده بجد. و ده في الغالب غير متوقع. بس أهو تسلية و السلام و الدنيا برد كدة و زهق!
طبعا انا مارحتلوش البيت و لا كشفت على رقم البطاقة، بس الموقع بتاعة من مفيش اسبوع كان موقع هابط عن مصر الفرعونية: اضغط على الصورة عشان تشوف الموقع القديم (from Google cache).
و لسبب غير واضح الراجل كان راشئ جوجل ماب لخريطة بيتهم كمان.
ليه الموقع تحول من الكلام عن الفراعنة القدام الى فرعون القرن الحادي و العشرين ؟ غير مفهوم.
الطريف كمان أن الموقع نفسه اتسجل من شهرين - يوم 7 اكتوبر اللي فات. و يبدو انه سجله عن طريق شركة استرالية بتقدم خدمة التسجيل من غير اظهار تفاصيل صاحب الموقع: العنوان المحطوط عنوان مضروب في كاليفورنيا، و عنوان الايميل بتاع الشركة. بيانات التسجيل أهي:
Domain Name aymansalem.com
Creation Date 2010-10-07
Registration Date 2010-10-07
Expiry Date 2011-10-07
Organisation Name aymansalem
Organisation Address
Admin Name Admin PrivateRegContact
Admin Address
registered post accepted only
CA
Admin Email [email protected]
Admin Phone +1.5105952002
باختصار عشان ماطولش عليكم، الموضوع كله على الأغلب مجرد دعابة سخيفة مش حتى مؤامرة تعبانة... بس انا حقيقة على قدر من الفضول اني أعرف مين الخفيف ده.
ماحدش عايز ييجي معايا نزوره في بيته؟ :)
6 comments:
Ayman leaks :)
looooooooooooooool @ Ayman leaks
plz post photos when u go
hi Eman, Khaled and Mo-ha-med. i read the whole note that was written by this guy on a fb page and checked the internet and found this page. I think today after the Egyptian revolution took place, we all know that this was not a joke! Did any of u check this guy's address? does anyone know his whereabouts know? i heard that this guy was held in a military hospital specifically in a mentally disturbed patients section, is this true? hope anyone can answer me.
Anonymous
Interesting point.. I hadn't thought of AymanLeaks for a while but I guess the man wasn't as mad as we thought.
Never heard of the mental hospital thing though - where did you get this information?
http://www.facebook.com/FreeAymanSalem?sk=app_4949752878
Here is the whole truth, if any one interested
Assem, thank you for posting that.
This is terrifying..
Post a Comment